امداد کا جھانسہ دیکر غریب خاتون سے زیادتی کرنیوالا ملزم گرفتار

لاہور:  پولیس نے خاتون کو مالی مدد کے بہانے سے بلاکر زیادتی کا نشانہ بنانے والے ملزم کو گرفتار کرلیا۔

پولیس کے مطابق ملزم نے بذریعہ فون غریب خاتون کو مالی امداد کے پیسوں کا جھانسہ دیکر بلایا اور خاتون کے پہنچنے پر ملزم ملک پنو عرف ریاض نے زبردستی زیادتی کا نشانہ بنایا۔

شفیق آباد پولیس نے ملزم کو 1 گھنٹے میں گرفتار کرکے مقدمہ درج کرلیا، ایس ایچ او شفیق آباد کا کہنا ہے کہ ملزم سے مزید تفتیش جاری ہے، خواتین کا جنسی استحصال کرنے والے کسی رعایت کے مستحق نہیں۔