پنجاب
چیئرمین پی ٹی آئی عمران خان نے 10 مئی سے عوامی جلسے کا اعلان کردیا
چیف جسٹس سے اظہار یکجہتی کے لیے ملک بھر میں کل 4 ہزار مقامات پر عوام باہر نکلے
لاہور: انتخابات کے سوا کوئی دوسرا حل نہیں الیکشن ہوگا تو سیاسی استحکام آئے گا۔
تحریک انصاف کے چیئرمین عمران خان نے 10 مئی سے عوامی جلسے کا اعلان کردیا۔
اپنے ویڈیو پیغام میں انہوں نے واضح کیا کہ ملک کو درپیش سیاسی بحران سے نکالنے کے لیے ایمرجنسی پلان مرتب کرلیا ہے، 10 مئی سے شروع ہونے والے جلسے 14 مئی تک رہیں گے۔
عمران خان نے ایک مرتبہ پھر الیکشن پر زور دیتے ہوئے کہا کہ انتخابات کے سوا کوئی دوسرا حل نہیں ہے الیکشن ہوگا تو سیاسی استحکام آئے گا اور ملک معاشی بحران سے نکل سکے گا۔
چیئرمین پی ٹی آئی نے آئین کا حوالہ دیتے ہوئے کہا کہ 90 روز میں الیکشن ہونے چاہیے، چیف جسٹس آئین کے ساتھ کھڑے ہیں جبکہ پی ڈی ایم کھل کر سپریم کورٹ پر حملے کررہی ہے، چیف جسٹس سے اظہار یکجہتی کے لیے ملک بھر میں کل 4 ہزار مقامات پر عوام باہر نکلے۔
