اگلا الیکشن کا میدان جب سجے گا تو ہم پی ٹی آئی کی ضمانتیں ضبط کروا دیں گے: احسن اقبال

نارووال: پاکستان ہم سب سے بڑا ہے ، پاکستان ہے تو ہم ہیں ،  ہم وزیر اعظم بنیں یا نہ بنیں، پاکستان ہمیشہ رہے گا۔

مسلم لیگ ن کے رہنما احسن اقبال نے کہا ہے کہ 9 مئی کو جو پی ٹی آئی نے فوج پر حملہ کیا، میں پاکستانی قوم کو سلام پیش کرنا چاہتا ہوں، جس نے اس سازش کو ناکام بنا کر ایٹمی پروگرام کو بچا لیا۔

انہوں نے کہا کہ اگلا الیکشن کا میدان جب سجے گا تو ہم پی ٹی آئی کی ضمانتیں ضبط کروا دیں گے۔ یہ پاکستان کی ریاست سے بڑا بت بنانے کوشش کرتے ہیں تو قوم ایسے بتوں کو پاش پاش کرکے رکھ دیتی ہے۔ پاکستان ہم سب سے بڑا ہے۔ پاکستان ہے تو ہم ہیں۔ ہم وزیر اعظم بنیں یا نہ بنیں، پاکستان ہمیشہ رہے گا۔