30 جون سے پہلے سیاست میں بہت بڑا جوڈو کراٹے ہوگا

راولپنڈی: دبئی لیکس سے متعلقہ شیخ رشید نے کہا کہ  یہ حکومت ہی کی لیک ہے، اس کا انجن دھواں چھوڑ رہا ہے۔

عدالتی پیشی پر میڈیا سے گفتگو میں شیخ رشید نے ایک بار پھر سیاسی پیشگوئیاں شروع کردیں۔ 30 جون سے پہلے سیاست میں بہت بڑا جوڈو کراٹے ہوگا، فتح حق کی ہوگی۔

دبئی لیکس سے متعلقہ سوال پر عوامی مسلم لیگ کے سربراہ نے کہا کہ یہ حکومت ہی کی لیک ہے، اس کا انجن دھواں چھوڑ رہا ہے۔

انہوں نے کہا کہ چلے کاٹے، قید کاٹی مگر بانی پی ٹی آئی کے خلاف کوئی بیان یا کوئی ویڈیو نہیں دی۔

شیخ رشید نے مزید کہا کہ مقدمات کا سامنا کر کرکے تھگ گیا ہوں بہتر ہے ، اب سزائیں دیں اور جان چھوڑ دیں۔