پاکپتن سے لاپتہ چینی انجینئر لاہور کی مسجد میں’ چلا کھینچتے‘ پایا گیا
لاپتہ ہونے والا چینی انجینئر لاہور کی ایک سے مسجد سے برآمد کر لیا گیا.
تفصیلات کے مطابق چینی انجینئر چلے پرلاہورگیاتھا،جہاں وہ ایک مسجد میں تبلیغی جماعت کی جانب سے جاری روحانی پروگرام میں شریک تھا.
چینی انجینئر پاکپتن سے لاپتہ ہوا تھا جہاں وہ اپنے سسرال والوں سےملاقات کے لئے گیا تھا.
پولیس کے مطابق چینی انجینئر محمدیوسف جس کاچینی نام یوہی ہے چلے کے لئے کسی کو بتائے بغیر لاہور چلا گیاتھا، چینی انجینئر کی بیوی سمیرا شہیدی محلے پاکپتن کی رہائش پذیر ہے.
چینی انجینئر کی بیوی سمیرا کی جانب سے پاکپتن پولیس اسٹیشن میں اس کے شوہر کی اچانک لاپتہ ہوجانے کی درخواست نامعلوم اغواکاروں کے خلاف درج کروائی گئی تھی
پولیس کے ڈپٹی سپریٹنڈنٹ کی جانب سے چینی انجینئر کی تلاش کے لئے ایک ٹیم تشکیل دی گئی، جس میں ڈی ایس پی شاہدہ نورین ، ایس ایچ او سیف الرحمان، ندیم اقبال، سیکورٹی برانچ کے انچارج عبد المالک اور محمد خرم شامل تھے.
یاد رہے چین پاکستان کا اہم اتحادیوں میں سے ایک ہے اور چینی انجینئرز ہزاروں کی تعداد میں پاکستان کے ایٹمی بجلی گھروں، ڈیموں اور سڑکوں سمیت بنیادی ڈھانچے کے منصوبوں میں کام کررہے ہیں.
واضح رہے کہ نومبر 2014 میں بیجنگ نے اسلام آباد کے لئے 42ارب ڈالر کی سرمایہ کاری کا اعلان کیا تھا جس میں زیادہ توجہ پاکستان میں توانائی کے منصوبوں پر ہے، توانائی کی کمی کی وجہ سے پاکستان کو معاشی سطح پر نقصان ہو رہاہے.
