گوجرانوالہ، ڈپٹی کمشنر کی مبینہ خودکشی، یا قتل

ڈپٹی کمشنر گوجرانوالہ نے انتہائی پراسرار طریقے سے خودکشی کرلی ہے۔ ڈپٹی کمشنر گوجرانوالہ سہیل احمد ٹیپو نے خودکشی کرلی ہے، کمشنر گوجرانوالہ نے تصدیق کرتے ہوئے کہا ہے کہ ڈپٹی کمشنر سہیل احمد ٹیپو نے گلے میں پھندا ڈال کر خودکشی کی ہے۔ ذرائع کا کہنا کہ ڈپٹی کمشنر نے پنکھے سے لٹک کر خودکشی کی جب کہ پولیس نے دروازہ توڑ کر لاش نکالی تو ڈپٹی کمشنر کے دونوں ہاتھ بندھے ہوئے تھے۔ دوسری جانب ڈپٹی کمشنر گوجرانوالہ کے ملازمین کا کہنا ہے کہ وہ کافی دن سے پریشان تھے اور آفس بھی کم آتے تھے، پولیس نے لاش کو اسپتال منتقل کرکے تفتیش شروع کر دی ہے۔ میڈیا کی جانب سے بار بار اس نکتے پہ بات کی جارہی ہے کہ کوئی بھی شخص اپنے ہاتھ باندھ کر خودکشی کیسے کرسکتا ہے۔