نگران وزیراعلٰی پنجاب کے لئے پاکستان تحریک انصاف نے دو نام حکومت کو دے دیئے ہیں۔ پی ٹی آئی رہنما محمود الرشید کا کہنا ہے کہ اوریا مقبول جان اور یعقوب طاہر اظہار کے نام ہم نے دے دیے ہیں، توقع ہے پرسوں کی ملاقات میں کوئی حتمی نتیجہ نکل آئے گا۔ میڈیا سے گفتگو کرتے ہوئے محمود الرشید کا کہنا تھا کہ اسپیکر صاحب کی درخواست پر آج کی میٹنگ ہوئی کہ ڈیڈلاک کی پوزیشن کو ختم کیا جائے، ہم نے نگران وزیراعلٰی پنجاب کے لئے اوریا مقبول جان اور یعقوب طاہر اظہار کے نام دیے ہیں۔ توقع ہے پرسوں کی ملاقات میں کوئی حتمی نتیجہ نکل آئے، ابھی اسپیکر کے ساتھ دوبارہ میٹنگ کا ٹائم طے ہو گا۔ واضح رہے کہ یعقوب طاہر تحریک انصاف کے سرگرم رکن ہیں جبکہ اوریا مقبول جان اپنی متنازعہ تحریروں کی باعث داعش کے ہم فکر سمجھے جاتے ہیں۔
