پنجاب کی جامعات میں تبلیغی جماعت کےداخلے پرپابندی عائد

: پنجاب کی یونیورسٹیز میں تبلیغی جماعت کےداخلے پرپابندی عائد کردی گئی۔ یونیورسٹیز اپنا انٹیلی جینس نظام بھی بنائیں گی۔

تفصیلات کے مطابق سانحہ چارسدہ کے بعد پنجاب حکومت نے یونیورسٹیوں اور کالجوں کے لیے نیا ایس او پی جاری کر دیاگیا۔ تعلیمی اداروں کی مسجدوں میں خطبات انتظامیہ کی منظوری سے دیئے جائیں گے.

وزارت داخلہ کے مراسلےمیں نام لے کرکہا گیا ہے کہ یونیورسٹیز میں تبلیغی جماعت کو سرگرمیوں اورجماعتوں کے ٹھہرنے کی اجاز ت نہیں ہوگی۔

غیرطلبہ عناصر کےہوسٹلز میں ٹھہرنےپرپابندی ہوگی،فرقہ ورانہ اسٹوڈنٹس تنظیموں کی حوصلہ شکنی کی جائےگی۔یونیورسٹی انتظامیہ کوپابندکیا گیا ہے کہ کالعدم جماعت سے ہمدردی رکھنے والے فیکلٹی ممبران کی اطلاع فوری طور پر سکیورٹی اداروں کو دے گی۔

سوشل میڈیا پر فرقہ واریت پھیلانے والوں کیخلاف انفارمیشن ٹیکنالوجی اور ہوم ڈیپارٹمنٹ کے تعاون سے کارروائی کرے گی۔

سوشل میڈیا پر دہشت گردی اور فرقہ واریت کیخلاف اکاؤنٹ بنائے گی، یہ بھی فیصلہ کیا گیا کہ یونیورسٹی انتظامیہ اپنی سیکورٹی کےلیےانٹیلی جینس نظام بنائے گی۔

اسلحہ اور منشیات کا پھیلاؤ روکنے کی ذمہ داریونیورسٹی انتظامیہ ہوگی۔ ہر تعلیمی ادارہ سکیورٹی اداروں کی جانب سے نشاندہی کردہ خرابی 15 دن میں دورکرنےکاپابند ہوگا۔