بچوں سے بدفعلی اور بلیک میل کرنے والا ملزم گرفتار
خانیوال : بچوں سے بدفعلی کرکے ویڈیو بنا کر بلیک میل کرنے والے مرکزی ملزم کو پولیس نے گرفتار کرلیا ہے۔
تین ملزمان شہروز ، راشد اور علی رضا بچوں سے بدفعلی کے دوران ویڈیو بنا کر بلیک میل کرتے تھے۔
تینوں ملزمان خالی گھر میں معصوم بچے سے زیادتی کرنے کی کوشش کرتے رہے اور بلیک میل کرتے رہے۔
تینوں ملزمان درجنوں معصوم بچوں کے ساتھ بدفعلی کرکے ویڈیو بنا کر بلیک میل کرتے رہے ہیں۔ پولیس نے ڈی پی او خانیوال عمر سعید ملک کے نوٹس کے بعد مرکزی ملزم کو گرفتار کیا۔
پولیس نے ملزم کو اپنی حراست میں لیکر لیپ ٹاپ اور ویڈیو بنانے والے موبائل بھی برآمد کر لیا ہے۔ ملزم کی گرفتاری کے بعد لیپ ٹاپ سے درجنوں بچوں کے ساتھ بدفعلی کی ویڈیوز بھی ریکور کر لی گئیں ہیں۔
پولیس نے تین نامزد ملزمان کے خلاف مقدمہ درج کرلیا ہے۔ باقی دو ملزمان کی گرفتاری کے لئے چھاپے مارے جا رہے ہیں۔
ڈی پی او عمر سعید ملک کا کہنا ہے کہ معصوم بچوں سے جنسی زیادتی کرنے والے درندہ صفت ملزمان کو کیفر کردار تک پہنچایا جائے گا۔
