شدید دھند کے باعث ایئرپورٹ بند، نظام‌ِ زندگی مفلوج

پنجاب کے بیشتر علاقے شدید دھند کی لپیٹ میں ہیں، حد نگاہ صفر ہوئی تو علامہ اقبال ایئرپورٹ پروازوں کیلئے بند کردیا گیا، ملکی اور بین الاقوامی بیس پروازیں منسوخ کرنا پڑیں جبکہ سڑکوں پر چھائی دھند گاڑیوں کی راستے میں حائل ہوئی تو موٹروے کو کئی مقامات پر بند کردیا گیا ۔

حدنگاہ صفرہونے کے باعث موٹر وے ایم ٹو لاہور سے شیخوپورہ اور پنڈی بھٹیاں تک ٹریفک کے لئے بند کر دی گئی، جی ٹی روڈ پر کالا شاہ کاکو پر بھی دھند کا راج ہے، پنڈی بھٹیاں سے فیصل آباد جانے والے راستے میں بھی دھند حائل رہی، پیر محل میں چھائی دھند نے نظام زندگی درہم برہم کردیا، دھند کے باعث سڑکوں پر ٹریفک کی روانی بری طرح متاثر ہوگئی۔