سرکلر روڈ پر سلنڈر دھماکہ، متعدد گھر زمین بوس

شہر بہاولنگر میں زور دار سلنڈر دھماکہ ہوا جس سے متعدد گھر اور قریبی عمارت کا ایک حصہ گر گیا۔

دھماکہ بہاولنگر کے علاقے سرکلر روڈ پر ہوا۔ دھماکہ اس قدر شدید تھا کہ قریب عمارت کا ایک حصہ گر گیا جبکہ متعدد مکانات بھی زمین بوس ہوگئے۔

ریسکیو ذرائع کا کہنا ہے کہ ملبے میں متعدد لوگوں کے دبے ہونے کا خدشہ ہے۔ تاحال ملبے سے 5 زخمی افراد کو نکال لیا گیا ہے جنہیں قریبی اسپتال منتقل کردیا گیا ہے۔