سندھ کے اسپتالوں میں خطرناک وائرس نپاہ کی ایڈوائزری جاری

بھارت میں پھیلنے والے ’خطرناک وائرس نپاہ‘ کے پاکستان میں بھی ممکنہ پھیلاؤ کا ممکنہ خطرہ ہے،جس کے سلسلے میں محکمہ صحت سندھ نے سرکاری اسپتالوں کے سربراہان کو بھی ایڈوائزری جاری کردی ہے.

تفصیلات کے مطابق نپاہ (nipah)نامی وائرس کے ممکنہ خطرے کے پیش نظر تمام عملے کو الرٹ رہنے کی ہدایت کردی گئی ہے۔

ڈائریکٹرجنرل ہیلتھ سندھ نے تمام اسپتالوں کو مراسلہ لکھ دیا،محکمہ صحت سندھ کی جانب سے سندھ بھر کے اسپتالوں کے ایم ایس ، ڈائریکٹرز، اور محکمہ لائیو اسٹاک کو الرٹ رہنے کی ہدایت کردی ہے۔
ایڈوائزری کے مطابق نپاہ وائرس جانوروں سے انسانوں اور انسانوں سے انسانوں میں تیزی سے پھیلتا ہے ،وائرس کی ابتدائی علامات میں بخار،سر میں درد ،جسم میں درد ، کوما سمیت دیگر علامات شامل ہیں،سندھ سمیت پاکستان بھر میں تاحال کوئی کیس سامنے نہیں آیا ۔