تحریک انصاف کراچی کے رہنما سابق رکن قومی اسمبلی عالمگیر خان گرفتار

کراچی: پاکستان تحریک انصاف کے رہنما اور فکس اٹ کے بانی عالمگیر خان کو کراچی سے گرفتار کر لیا گیا۔

پولیس نے تحریک انصاف کے سابق رکن قومی اسمبلی عالمگیر خان محسود کو گلشن اقبال میں ان کی رہائش گاہ سے گرفتارکرلیا، انہیں اسلام آباد میں درج میں مختلف مقدمات میں گرفتار کیا گیا ہے۔

تحریک انصاف کراچی کے صدر راجہ اظہر کا کہنا ہے کہ سابق رکن قومی اسمبلی عالمگیر خان کی گرفتاری کی شدید مذمت کی ہے، وہ آج اسلام آباد سے اپنے گھر پہنچے تو ان کی رہائش گاہ سے گرفتار کرلیا گیا۔

راجہ اظہر کا کہنا تھا کہ عالمگیر خان کو فوری رہا کیا جائے، ہم اس گرفتاری کے خلاف قانونی کارروائی کریں گے۔