خورشید شاہ کی جگہ رکن سندھ اسمبلی کو بورڈنگ‘ پی آئی اے 3 ملازم معطل

کراچی : قومی ائیرلائن انتظامیہ نے اپوزیشن لیڈر خورشید شاہ کے ٹکٹ پر رکن سندھ اسمبلی کو بورڈنگ کاڑد جاری کرنے پر پی آئی اے کے تین ملازمین کومعطل کردیا جن میں سکھر ائیرپورٹ  پر تعینات اسسٹنٹ ڈیوٹی منیجر، فلائٹ سپروائزراور چیک اِن سپروائزر شامل ہیں۔ ذرائع کے مطابق سکھر سے کراچی آنیوالی پی آئی اے کی پرواز پی کے537 پر خورشید شاہ کے وزیراعلیٰ سندھ کے ہیلی کاپٹر میں جانے کے باعث سندھ کے ایک ایم پی اے نے سفر کیا اور کراچی پہنچنے پر پی آئی اے سمیت کسی نے بھی کوئی کارروائی نہیں کی تاہم پی آئی اے انتظامیہ نے جان بوجھ کر خورشید شاہ کے ٹکٹ پر کسی اور کو بورڈنگ کارڈ جاری کر نے کی پاداش میں اپنے تین ملازمین کو معطل کردیا۔