وزیراعلی سندھ کے خلاف توہین عدالت کی درخواستیں دائر

ملیربار ایسوسی ایشن کے اجلاس سے خطاب کےدوران وزیراعلی قائم علی شاہ کے ایک جملے پر ان کے خلاف توہین عدالت کی درخواستیں جمع کر ادی گئیں۔

درخواست گزاروں نے اس جملے کو قابل اعتراض قرار دیتے ہوئے قائم علی شاہ کے خلاف توہین عدالت کی درخواستیں سپریم کورٹ اور سندھ ہائیکورٹ میں جمع کرادیں ۔

درخواست میں مؤقف اختیار کیا گیا ہے کہ وزیراعلیٰ سندھ نے انصاف کے علم برداروں کے لئے نازیبا الفاظ اختیار کئے، جو توہین عدالت کے زمرے میں آتے ہیں، ان کے اس جملے کا نوٹس لیا جانا چاہیے۔

درخواست میں کہا گیا کہ توہین عدالت کرنے پر وزیراعلیٰ سندھ کو کام کرنے سے روکا جائے۔