سندھ میں مئیر، ڈپٹی مئیر کا چناؤ 8 جون کو ہوگا،شیڈول جاری

کراچی: سندھ میں بلدیاتی انتخابات کے آخری مرحلے کے شیڈول کا اعلان کر دیا گیا، مئیر،ڈپٹی مئیر،چئیر مین اور وائس چئیرمین کے انتخابات 8 جون کو ہونگے۔

تفصیلات کے مطابق سپریم کورٹ کی مداخلت پر آخر کار سندھ حکومت نے 4 ماہ بعد بلدیاتی الیکشن کے مکمل کروانے کا فیصلہ کر لیا،خصوصی نشستوں پر”شوز آف ہینڈز” پر الیکشن کرانے کے بعد انتخابات کے آخری مراحلے کا شیڈول بھی جاری کر دیا،جس کے تحت 8 جون کو سندھ بھر کی شہری حکومت کے لیےمئیر،ڈپٹی مئیراور ضلعی حکومت کے لیے چئیرمین و وائس چئیرمین کا چناؤ ہوگا۔