شہر کے مختلف علاقوں میں سرچ آپریشن،24افراد گرفتار

بوٹ بیسن پولیس نے رات گئے نیلم کالونی اور شیریں جنا ح کالونی میں سرچ آپریشن کرتے ہوئے گھر گھر تلاشی کے دوران 3 ملزمان سمیت 20 افراد کو حراست میں لے لیا.

پولیس کا کہنا ہے کہ حراست میں لیے گئے 3 ملزمان کے قبضے سے اسلحہ بھی برآمد کیا گیاجبکہ باقی 17 مشتبہ افراد سے پوچھ گچھ جاری ہے.

دوسری جانب عوامی کالونی پولیس نے کورنگی 5 آئی ایریا میں چھاپہ مار کر 2 اسٹریٹ کرمنلز اجمل اور اویس کو گرفتار کر کے ان کے قبضے سے اسلحہ اور چھینے گئے 4 موبائل فونز برآمد کر لیے.

ادھر سائٹ ایریا پولیس نے اسنیپ چیکنگ کے دوران 2 ملزمان عامر رحمٰن اور شوکت کو گرفتار کر کے ان کے قبضے سے منشیات اور اسلحہ برآمد کر لیا.