شنگھائی الیکٹرک کا کے الیکٹرک خریدنے میں اظہار دلچسپی

چینی کمپنی شنگھائی الیکٹرک کی جانب سے شنگھائی اسٹاک مارکیٹ میں جمع کروائے گئے اعلامیہ کے مطابق چینی کمپنی کے الیکٹرک میں دو ارب تیس کروڑ ڈالر تک کی سرمایہ کاری کا ارادہ رکھتی ہے تاہم ابھی کے الیکٹرک سے کوئی باضابطہ بات چیت نہیں ہوئی ہے، ڈیل اور سرمایہ کاری کے حجم کے بارے میں بھی معاملات زیر غور ہیں ۔

اعلامیہ کے مطابق شنگھائی الیکٹرک کے علاوہ بولی میں اور کمپنیاں بھی شامل ہونگی، کے الیکٹرک کے چھیاسٹ فیصد حصص دبئی کی کمپنی ابراج گروپ کے پاس ہیں جبکہ بقیہ چوبیس فیصد حصص حکومت پاکستان کے پاس ہیں، کے الیکٹرک کراچی کو بجلی فراہمی کا واحد ذریعہ ہے ۔

دبئی میں قائم نجی ایکیوٹی فرم ابراج گروپ نے عندیہ دیا ہے کہ وہ کے الیکٹرک،جو کراچی اوراس کے مضافات میں 22لاکھ صارفین کو بجلی مہیا کرتی ہے، میں اپنے 66فیصد حصص فروخت کرنا چاہتی ہے ۔