حق پرست شہداء کی یادگار مسمار کرنا غیر مناسب اور ناپسندیدہ عمل ہوگا، رضا ہارون

انہوں نے کہا کہ گزشتہ دو روز سے ذرائع اور غیر مصدقہ اطلاعات کے حوالہ سے شہر میں ایسی خبریں گردش کر رہی ہیں جس کے باعث شہریوں میں تشویش اور بے چینی پیدا ہو رہی ہے۔ پی ایس پی رہنما نے وزیراعظم پاکستان، گورنر سندھ، وزیراعلیٰ سندھ اور میئر کراچی سے معاملے کی حساسیت اور یادگار شہداء سے عوام کے جذباتی لگاؤ کو سامنے رکھتے ہوئے اپیل کی کہ وہ ایسے کسی بھی غیرضروری اقدام سے گریز کریں۔ واضح رہے کہ یہ یادگار ایم کیو ایم کی جانب سے تنظیم کے لئے اپنی جان قربان کرنے والے افراد کی یاد میں بنائی گئی تھی۔