سندھ
کراچی سینٹرل جیل میں ایم کیو ایم اور پاک سرزمین پارٹی کے کارکنوں میں تصادم
کراچی: سینٹرل جیل میں متحدہ قومی موومنٹ اور پاک سرزمین پارٹی کے کارکنوں کے درمیان تصادم ہوگیا۔
کراچی سینٹرل جیل میں قید متحدہ قومی موومنٹ اور پاک سرزمین پارٹی کے کارکنوں کے درمیان چیف جسٹس آف پاکستان جسٹس انور ظہیر جمالی سمیت اعلیٰ عدلیہ فاضل جج صاحبان کے دورے کے کچھ دیر بعد تصادم ہوا۔ تصادم قیدیوں کی رشتے داروں سےملاقات کے دوران ہوا۔
تصادم کےدوران دونوں جماعتوں کے 4 کارکن زخمی ہوئے جنہیں اسپتال منتقل کردیا گیا۔ رینجرز نے موقع پر پہنچ کرصورتحال کو قابو کرلیا جب کہ تصادم میں ملوث 8 ملزمان کو بند وارڈ منتقل کردیا گیا۔
واضح رہے کہ کراچی سینٹرل جیل میں کراچی کے میئر وسیم اختر اور پاک سرزمین پارٹی کے صدر انیس قائم خانی سمیت دونوں جماعتوں کے سیکرون کارکن قید ہیں۔
