کراچی : رکشوں میں سفر کرنے والوں کے لئے بڑی خبر

کراچی میں 6 سیٹر رکشے والے شہریوں سے 6 کلومیٹر فاصلے پر 10 روپے سے زائد کرایہ وصول نہ کریں۔حکومت سندھ کے خبردارکرنے کے بعد شہری تو خوش ہیں لیکن رکشے والے کہتے ہیں کہ سی این جی کی قیمت بھی کم کریں ۔

کراچی میں سندھ حکومت نے فیصلہ کیا ہے کہ 6 سیٹر رکشہ والے 6 کلومیٹر کا کرایہ صرف 10 روپے لے سکتے ہیں۔ سندھ حکومت کے اس فیصلے کا شہریوں نے خیر مقدم کیا ہے۔

تاہم رکشہ ڈرائیورز نے سی این جی کی قیمتوں میں کمی کا مطالبہ کردیا۔واضح رہے کہ کراچی کی مختلف شاہراہوں پر چلنے والے سکس سیٹر رکشوں کی تعداد 50 ہزار کے قریب ہے۔