الطاف حسین کے بغیر ایم کیو ایم کچھ نہیں

متحدہ کے لندن سیکریٹریٹ نے متحدہ پاکستان کے ما ئنس متحدہ قائد کے فارمو لے کو یکسرمستردکردیا، ایم کیو ایم رابطہ کمیٹی کے کنوینئرندیم نصرت نے لندن سے اپنے ایک بیان میں کہا ہے کہ لندن کی قیادت مائنس الطاف حسین فارمولے کومسترد کرتی ہے۔

ایم کیو ایم رابطہ کمیٹی کے کنوینئر ندیم نصرت کا کہنا ہے کہ الطاف حسین کے بغیر ایم کیو ایم کچھ نہیں ، الطاف حسین اور مہاجروں کو کوئی الگ نہیں کر سکتا۔

ندیم نصرت کا کہنا ہے کہ قائد تحریک الطاف حسین اپنی ذات میں ایم کیو ایم ہیں۔

خیال رہے کہ ندیم نصرت کا بیان متحدہ قائد کی گذشتہ ماہ کی تقریر کے بعد متحدہ لندن کیجانب سے دیاجانا والا پہلا واضع بیان ہے۔

یاد رے کہ فاروق ستار اس سے پہلے اپنے قائد سے لا تعلقی کیساتھ ساتھ رابطہ کمیٹی کے کنو ینئیر سے متعلق بھی وضا حت دے چکے ہیں۔

واضح رہے کہ 22 اگست کو ایم کیو ایم کے قائد کی اشتعال آمیز تقریر میں ملک مخالف نعرے لگوائے اور کارکنان کو میڈیا ہاؤسز پر حملے کیلئے اکسایا ، جس کے بعد ایم کیو ایم کے کارکنان نے اے آروائی نیوز کے بیورو آفس اور پریس کلب پر دھاوا بول دیا تھا۔

ایم کیو ایم پاکستان کے سربراہ ڈاکٹر فاروق ستار نے قائد ایم کیو ایم اور لندن سے لاتعلقی کا اعلان کرتے ہوئے کہا تھا کہ ایم کیو ایم پاکستان نے ایک لکیر کھینچ دی اور اب ہم خود مختار ہیں، اب تمام الفاظ اور نیت سب ہمارے ہی ہوں گے کسی کو شک کرنے کی ضرورت نہیں ہے۔