عمران خان کا پارٹی میں شمولیت کے خواہاں نذر گوندل کو ٹکٹ دینے سے انکار

کراچی: پاکستان تحریک انصاف کے چیئرمین عمران خان نے سابق وفاقی وزیر نذر محمد گوندل کو پارٹی ٹکٹ دینے سے انکار کر دیا۔ میڈیا کے مطابق پاکستان پیپلز پارٹی سے وابستہ سابق وفاقی وزیر نذر محمد گوندل پی ٹی آئی میں جانے کو تیار ہیں، مگر عمران خان نے انہیں کرپشن الزامات کی وجہ سے آئندہ عام انتخابات کیلئے پارٹی ٹکٹ دینے سے انکار کردیا ہے، آپ پر کرپشن کے الزامات ہیں ٹکٹ کیسے دیدیں۔

 ذرائع کا کہنا ہے کہ سابق صدر آصف علی زرداری کے قریبی ساتھی نور عالم خان کی گزشتہ روز عمران خان سے ہونے والی ملاقات کے دوران نذر محمد گوندل بھی موجود تھے اور ملاقات میں نذر محمد گوندل کی تحریک انصاف میں شمولیت پر بھی بات چیت ہوئی تھی۔ ذرائع کے مطابق نور عالم خان نذر محمد گوندل کے ساتھ تحریک انصاف میں شامل ہونا چاہتے ہیں مگر عمران خان نے کرپشن الزامات کی بناءپر انہیں آئندہ الیکشن میں ٹکٹ دینے سے انکار کر دیا۔