لاہور کشیدگی ، پہلا کوالیفائر قلندرز اور سلطانز کے درمیان شیڈول کے مطابق ہو گا : پی سی بی
لاہور: مال روڈ پر پولیس اور پی ٹی آئی کارکنان کے درمیان وقفے وقفے سے جھڑپیں ہورہی ہیں۔
لاہور میں کشیدگی کے باوجود پاکستان کرکٹ بورڈ نے پہلا کوالیفائر لاہور قلندرز اور ملتان سلطانز کے درمیان شیڈول کے مطابق کروانے کا اعلان کردیا۔
لاہور کے مال روڈ واقع نجی ہوٹل میں قیام پذیر ٹیموں نے جس روٹ سے اسٹیڈیم کی طرف جانا ہے، اس راستے پر پولیس پی ٹی آئی کارکنان کو منتشر کرنے کیلئے موجود ہے جبکہ دونوں کے درمیان وقفے وقفے سے جھڑپیں بھی ہورہی ہیں۔
لاہور قلندرز اور ملتان سلطانز کی ٹیموں کے درمیان میچ آج شام 7 بجے شیڈول ہے۔
The #HBLPSL8 Qualifier in Lahore today will be played at the Gaddafi Stadium as scheduled.
— Pakistan Cricket (@TheRealPCB) March 15, 2023
واضح رہے کہ لاہور پر کشیدگی کے باعث لاہور قلندرز اور ملتان سلطانز کے درمیان پہلے کوالیفائر میں شائقین کرکٹ کی تعداد کم ہونے کی توقع ہے جبکہ اسیٹیڈیم کے اطراف سیکیورٹی کی اضافی نفری تعینات کیے جانے کا امکان ہے۔
