ٹیم نیوزی لینڈ ویمنز ٹی ٹوئنٹی ورلڈکپ کے فائنل میں پہنچ گئی

شارجہ : نیوزی لینڈ ویمن ٹیم نے ویسٹ انڈیز کو شکست دیکر ویمنز ٹی ٹوئنٹی ورلڈ کپ کے فائنل میں جگہ بنالی۔

سیمی فائنل میں نیوزی لینڈ نے مقررہ 20 اوورز میں اسکور 9 وکٹ کے نقصان پر 128 رنز رہا۔ اسابیلا 20 رنز بنا کرناٹ آؤٹ رہیں۔

کیوی اوپنرز نے اپنی ٹیم کو 48 رنز کا آغاز فراہم کیا، سوزی بیٹس 26 اور جارجیا پلیمر 33 رنز بنا کر آؤٹ ہوئیں۔ اس کے بعد نیوزی لینڈ کی وکٹیں وقفے وقفے سے گرتی رہیں اور رنز بھی بنتے رہے۔

ویسٹ انڈیز دیندرا ڈوٹن نے چار وکٹیں حاصل کیں۔

ہدف کے تعاقب میں ویسٹ انڈہز کی آدھی ٹیم 63 رنز پر پویلین لوٹ گئی، ایسے میں دیندرا ڈوٹن نے 33 رنز کی جارحانہ اننگز کھیل کر اپنی ٹیم کی امید بڑھائی پھر ایفی فلیچر نے 17 اور زائدہ جیمز نے 14 رنز بنا کر میچ دلچسپ بنایا۔

لیکن ٹیم 8 وکٹ پر 120 رنز تک ہی پہنچ سکی اور یوں نیوزی لینڈ نے 8 رنز کی فتح کے ساتھ فائنل میں جگہ بنالی۔

فائنل اتوار کو نیوزی لینڈ اور جنوبی افریقا کے درمیان کھیلاجائے گا۔