ہوائی جہاز کوحادثہ‘ فٹ بال ٹیم سمیت 75 افراد ہلاک
میڈیلین کے میئر فیڈریکو کے مطابق جہاز پہاڑی علاقے میں کریش ہوا ہے اور اس بھیانک حادثے میں چھ افراد کے بچنے کی اطلاع
ہے۔
ایوی ایشن اتھارٹی کے مطابق طیارہ لامیہ نامی بولیوین چارٹر ایئر لائن کی ملکیت ہے اور حادثہ جہاز میں بجلی کی فراہمی میں تعطل کے سبب پیش آیا۔
حکام کے مطابق ایئرفورس کے ریسکیو ہیلی کاپٹر فوراً ہی حرکت میں آگئے تھے تاہم خراب موسم کے سبب حدِ نگاہ نہ ہونے کے برابر ہونے کے سبب انہیں لوٹ کر آنا پڑاجس کےبعد اس دشوار گزار علاقے میں زمینی آپریشن شروع کیا گیا۔
حکام نے صحافیوں سے اپیل کی ہے کہ اس دشوار گزار پہاڑی علاقے کا رخ نہ کریں اور اسپتال کی جانب آنے والی سڑکوں اور داخلی راستوں کو ٹریفک سے خالی رکھیں تاکہ زخمیوں کو بروقت طبی امداد فراہم کی جاسکے ‘ ذرائع کا کہنا ہے کہ جائے وقوعہ پر چھ افراد شدید زخمی حالت میں زندہ پائے گئے ہیں۔
زخمیوں میں فٹ بال ٹیم کے ایلان رسل اور ڈینی لو بھی شامل ہیں جنہیں شدید زخمی حالت میں اسپتال منتقل کیا گیا ہے اور انہیں طبی امداد فراہم کی جارہی ہے۔
اسپتال ذرائع کے مطابق ایلان رسل نامی کھلاڑی کی حالت انتہائی نازک ہے ‘ انہیں متعدد فریکچر پیش آئے ہیں جن میں کولہے کی ہڈی بھی شامل ہے۔ ٹیم کے 31 سالہ گول کیپر ڈینی لو بھی زخمیوں میں شامل ہیں اور انہیں طبی امداد فراہم کی جارہی ہے۔
مذکورہ ٹیم کا تعلق جنوبی برازیل کے شہر چیپی کو سے ہے اورٹیم انتظامیہ کے مطابق فی الحال وہ کسی بھی قسم کی معلومات فراہم کرنے سے قاصر ہیں۔
