قومی ہیرو ارشد ندیم آج رات وطن واپس پہنچیں گے

ٹوکیو اولمپکس کے قومی ہیرو ارشد ندیم آج رات ڈیڑھ بجے اپنے کوچ فیاض بخاری کے ہمراہ لاہور ائیرپورٹ پہنچیں گے۔

تفصیلات کے مطابق لاہور ائیرپورٹ پر ارشد ندیم کے شاندار استقبال کے لیے انتظامات کیے جا رہے ہیں جبکہ وزیر کھیل پنجاب رائے تیمور بھٹی ، صدر ایتھلیٹکس فیڈریشن، کوچز اور ایتھلیٹس بھی ارشد ندیم کا لاہور ائیرپورٹ پر استقبال کریں گے۔

واضح رہے کہ ارشد ندیم نے ٹوکیو اولمپکس کے جیولن تھرو مقابلوں میں پانچویں پوزیشن حاصل کی تھی۔