قبرص کے شمالی ساحل کے نزدیک سات وہیل مچھلیاں پراسرار طور پر مردہ حالت میں پائی گئیں

قبرص کے شمالی ساحل کے نزدیک سات وہیل مچھلیاں پراسرار طور پر مردہ حالت میں پائی گئیں ہیں۔

غیر ملکی میڈیا کے مطابق حکام نے بتایا کہ قبرص کی حکومت اس بات کی تحقیقات کر رہی ہے کہ کس طرح ساتوہیل مچھلیاں جزیرے کے شمالی ساحل کے ناہموار ساحل پر پراسرار طور پر مردہ پائی گئیں۔

ایسی اطلاعات ہیں کہ اسی نوع کی مزید تین وہیل مچھلیاں شمالی قبرص کی ترک جمہوریہ کے مزید مشرق میں ساحلوں پر مردہ پائی گئیں۔

یہ مشرقی بحیرہ روم کے جزیرے پر ریکارڈ کی جانے والی وہیل کی موت کی سب سے بڑی تعداد ہے، جہاں وہیل مچھلیاں کبھی کبھار نظر آتی ہیں لیکن عام نہیں ہیں۔

کیوئیر کی چونچ والی یہ نایاب وہیلیں کسی بھ دوسری نسل کی وہیل کے مقابلے میں گہرائی میں غوطہ خوری کے لیے مشہور ہیں۔

پولس کا کہنا ہے کہ پچیاموس کے درمیان شمالی ساحل کے ساتھ کئی ساحلوں پر یہ وہیل مچھلیاں مردہ حالت میں پائی گئی ہیں۔

ایک پہلی وہیل جمعرات کو مردہ پائی گئی تھی، اس کے ساتھ تین دیگر ساحلی وہیل بھی تھیں، جنہیں واپس سمندر میں دھکیل دیا گیا تھا۔

محکمہ ماہی گیری اور میرین ریسرچ کے اہلکار نے بتایا کہ چھ مردہ وہیل مچھلیاں پافوس ضلع کے شمالی ساحل پر نظر آئیں ہیں، جن کی موت کی وجوہات جاننے کے لیے پوسٹ مارٹم کیا گیا ہے۔

اہلکار نے کہا کہ ماہرین نے مزید خصوصی جانچ کے لیے نمونے جمع کیے ہیں۔

یہ پہلا موقع ہے کہ اتنی زیادہوہیل مچھلیاں مردہ پائی گئی ہیں، اس سے قبل 2021 اور 2022 میں بھی قبرص کے ساحل پر دو مختلف واقعات میں وہیل مچھلی مردہ حالت میں پائی گئی تھی۔