اسرائیل کا حقِ دفاع تسلیم لیکن اس کی قیمت فلسطینیوں کا قتل عام نہیں : کینیڈی وزیراعظم

اوٹاوا:  اسرائیل کو اپنے دفاع کا حق حاصل ہے، ہم بھی اسے تسلیم کرتے ہیں۔

کینیڈی وزیراعظم جسٹن ٹروڈو نے انسانی ہمدردی کی بنیاد پر غزہ میں جنگ بندی کا مطالبہ کرتے ہوئے کہا ہے کہ جنگ بندی کی راہ ہموار کرنے کے لیے فریقین کی جانب سے مثبت قدم اُٹھانے کی ضرورت ہے۔

کینیڈا وزیراعظم نے کہا کہ اسرائیل کے حقِ دفاع کو تسلیم کرتے ہیں لیکن اس حق کی قیمت فلسطینیوں کا قتل عام نہیں ہونا چاہیے۔

جسٹن ٹروڈو نے انسانی ہمدردی کی بنیاد پر غزہ میں جنگ بندی کا مطالبہ کرتے ہوئے کہا ہے کہ عام شہریوں اور خاص طور پر بچوں پر جنگ کے تباہ کن اثرات پر گہری تشویش ہے۔

جسٹن ٹروڈو نے حماس پر بھی زور دیا کہ وہ اسرائیلی یرغمالیوں کو فوری اور غیر مشروط طور پر رہا کرے۔

جسٹن ٹروڈو نے یہ بھی کہا کہ جنگ زدہ علاقے سے کینیڈی شہریوں اور تمام غیر ملکی شہریوں کو بحفاظت نکالنے کے لیے دیگر ممالک اور اداروں کے ساتھ مل کر کام کر رہے ہیں۔