ٹوکیو: جاپان کی ائیرلائن کے طیارے میں رن وے پر لینڈنگ کے دوران آگ بھڑک اٹھی۔
غیرملکی میڈیا رپورٹس کے مطابق جاپانی ائیرلائن کا طیارہ ٹوکیو ائیرپورٹ پر لینڈ کررہا تھا کہ رن وے پر اترتے ہی اس میں آگ بھڑک اٹھی۔ طیارے میں عملے کے ارکان سمیت 3 سو 79مسافر سوار تھے جنہیں بحفاظت نکال لیا گیا۔
ائیرپورٹ پر لگائے گئے کیمروں میں طیارے کے رن وے پر اترنے کے ساتھ ہی آگ لگنے کے مناظر ریکارڈ ہوگئے۔ طیارے میں آگ لگنے کی ویڈیو سوشل میڈیا پر وائرل ہوگئی۔
BREAKING: All of the 379 passengers and crew on board the Japan Airlines aircraft have been evacuated.
Read more: https://t.co/pD8KRVSJVe
📺 Sky 501, Virgin 602, Freeview 233 and YouTube pic.twitter.com/LrCpLIJFv4
— Sky News (@SkyNews) January 2, 2024
کریش لینڈنگ کرنا والا طیارہ لینڈنگ کے ساتھ ہی مکمل طور پر شعلوں کی لپیٹ میں آگیا۔ حکام نے فوری طورپر آگ بجھانے اور مسافروں کو جلتے ہوئے طیارے سے نکالنے کے لیے آپریشن شروع کردیا۔
جاپانی حکام کے مطابق آگ لگنے کی وجوہات جاننے کے لیے تحقیقات شروع کردی گئی ہیں۔
