پاناما نے 130 بھارتی شہریوں کو ملک سے نکال دیا

وسطی امریکہ کے ملک پاناما نے ڈنکی لگا کر غیر قانونی طریقے سے ملک میں داخل ہونے والے 130بھارتی شہریوں کو ملک بدرکردیا۔

تفصیلات کے مطابق بھارتی تارکین وطن ڈارین گیپ جنگل کے راستےسے غیر قانونی طورپر ملک میں داخل ہوئے۔جو کولمبیا اور پاناما کےدرمیان واقعہ ہے۔

پاناما حکام کا کہناہے بھارتی شہریوں کی ملک بدری امریکا کے ساتھ معاہدے کے تحت عمل میں آئی۔معاہدےکےتحت امریکا پاناما کو ساٹھ لاکھ ڈالر ادا کریگا۔تاکہ امریکہ کی جنوبی سرحد پر غیر قانونی تارکین وطن کی تعداد میں کمی لائی جاسکے ۔

دارین گیپ جنگل، جو کہ کولمبیا اور پاناما کے درمیان واقع ہے، جنوبی امریکہ سے وسطی امریکہ اور میکسیکو کے راستے امریکہ جانے والے مہاجرین کے لیے ایک اہم راہداری بن گیا ہے۔

ان مشکلات کے باوجود، جن میں مجرمانہ گینگز کے حملے شامل ہیں، پچھلے سال نصف ملین سے زیادہ غیر قانونی مہاجرین – زیادہ تر وینزویلا کے – دارین گیپ عبور کر چکے ہیں۔ ٹرانزٹ ممالک جیسے پاناما اور میکسیکو پر واشنگٹن کی جانب سے زیادہ دباؤ ڈالا جا رہا ہے تاکہ امریکہ کے انتخابات کے سال میں غیر قانونی ہجرت کے مسئلے کا حل نکالا جا سکے۔