حزب اللہ کا تل ابیب پر میزائل حملہ

 بیروت: حزب اللہ کے اسرائیل پر راکٹ حملوں میں 6 فوجیوں سمیت 12 افراد زخمی ہوئے

حزب اللہ کی جانب سے میزائل داغے جانے کے بعد تل ابیب میں سائرن بجائے گئے

حزب اللہ کے راکٹ حملے کے باعث بن گوران ائیرپورٹ پر فلائٹ آپریشن معطل کردیا گیا۔

ایک راکٹ بس پر بھی لگا۔ شمالی اسرائیل پر حزب اللہ کے حملے میں خاتون ہلاک اور 6 اسرائیلی فوجی زخمی ہوئے۔

اسرائیل نے حزب اللہ کے متعدد میزائل فضا میں ناکارہ بنانے کا دعویٰ کیا ہے۔

دوسری جانب  اسرائیلی کے جنگی طیاروں نے لبنان کے دارالحکومت بیروت کے مرکزی علاقے کو نشانہ بنایا۔ بمباری سے خاتون سمیت 5 افراد شہید اور 30 زخمی ہوگئے۔ زخمیوں میں متعدد کی حالت تشویشناک ہے۔

لبنان میں اسرائیلی حملے میں شہید افراد کی تعداد 3 ہزار 516 ہوگئی ہے۔