کویت میں طوفانی بارش کا سلسلہ جاری ، نظام زندگی بری طرح متاثر

ویت میں شدید طوفانی بارش کا سلسلہ رات گئے سے علی الصبح تک بلا تعطل جاری رہا۔ شدید بارش سے نظام زندگی بری طرح متاثر ہوا ہے جسکے باعث تمام تعلیمی اداروں اور سرکاری دفاتر میں ہنگامی طور پر عام تعطیل کا اعلان کر دیا گیا
بارش کے باعث پروازوں کا شیڈول بھی متاثر ہوا۔ بارش کے رکنے تک کویت آنے والی تمام پروازوں کا رخ بحرین کی جانب موڑ دیا گیا۔ وزارت داخلہ، شہری دفاع اور پولیس نے نوجوان نکاسی آب کے لیے پرزور محنت کر رہے ہیں، تاہم تمام بڑی شاہراوں کو پانی جمع ہونے کے باعث ٹریفک کے لیے بند کر دیا گیا ہے۔ سرکاری ٹیلیویژن اور ریڈیوعوام کو باخبر رکھنے کےلیے وقفے وقفے سے آگاہ کر رہے ہیں۔