ہماری ترجیح پاکستان کو درپیش مشکلات سے نکالنا ہے، چین

چین کی جانب سے کہا گیا ہے کہ پاکستان کو مشکل وقت میں تنہا نہیں چھوڑا جائے گا۔ دوست ملک کی معیشت کی بہتری کیلئے مکمل تعاون کریں گے تاہم دیرپا ترقی اور صنعتوں کی بحالی ہی پاکستان کے معاشی مسائل کا دائمی حل ہے۔

نوائے وقت  کے مطابق دوران بریفنگ پاک چین معاشی راہداری کا منصوبہ اور اس کے مختلف پہلوﺅں کا اس بریفنگ میں احاطہ کیا گیا۔ اس موقع پر چینی دانشوروں اور حکام کی جانب سے جن خیالات کا اظہار کیا گیا ان سے صاف واضح ہوتا ہے کہ پاکستان کو درپیش موجودہ معاشی مسائل اور ان کے طویل المیعاد حل کے بارے میں چین کی کیا رائے ہے۔چائنہ انسٹیٹیوٹ آف انٹرنیشنل سٹڈیز کے نائب صدر رونگ یِنگ، چینی وزارت خارجہ کے شعبہ ایشیا کے قونصلر ڑانگ زی شنگ، چین کے نائب سفیر ژالولی جیانگ بھی بریفنگ میں شریک تھے۔