اسرائیل کا لبنان کی سرحد پر چھٹی سرنگ مسمار کرنے اور آپریشن ختم کرنے کا اعلان

تل ابیب: قابض صہیونی فوج نے لبنان کی سرحد پر لبنانی شیعہ ملیشیا حزب اللہ کی طرف سے کھودی گئی چٹھی سرنگ مسمار کرنے کے بعد سرنگوں کی مسماری کے لیے ایک ماہ سے جاری آپریشن ختم کرنے کا اعلان کیا ہے اورکہاہے کہ چھ سرنگیں مسمار کی گئیں جو حزب اللہ نے سنہ 1948ء تک کھود رکھی تھیں۔عرب ٹی وی کے مطابق اسرائیلی فوج کے ترجمان نے کہاکہ حزب اللہ کی طرف سے کھودی گئی چھٹی اور آخری سرنگ بھی مسمار کردی گئی جس کے بعد سرنگوں کے خلاف آپریشن ختم کردیا گیا۔ چھٹی سرنگ الرامیہ کے مقام سے کھودی گئی تھی جو 800 میٹر اندر تک کھودی گئی تھی۔ صہیونی فوج کا کہنا تھا کہ سرحد پر کھودی گئی بعض سرنگیں 55 میٹر گہری تھیں۔

اسرائیلی فوج نے چند ہفتے قبل لبنان کی سرحد پر شمال کی ڈھالکے عنوان سے حزب اللہ کی کھودی گئی سرنگوں کے خلاف آپریشن شروع کیا تھا۔ آپریشن میں اسرائیل نے چھ سرنگیں مسمار کرنے کا دعویٰ کیا ہے۔ اسرائیل کا دعویٰ ہے کہ حزب اللہ نے سرحد پر ایسی سرنگوں کی کھودائی اس لیے شروع کی تھی تاکہ زیر زمین سرنگوں کے ذریعے اسرائیل کے اندر دراندازی کی جائے۔ اسرائیل کا کہناہے کہ وہ آئندہ بھی اس طرح کے آپریشن جاری رکھے گا حزب اللہ کو اسرائیل میں دراندازی کا موقع نہ مل سکے۔اسرائیل کا کہنا تھاکہ سرحد پر سرنگوں کی کھدائی سلامتی کونسل کی قرارداد 1701 کی کھلی خلاف ورزی ہے۔