ہم صرف دعوؤں تک محدود، داعش کی باقیات تیزی سے پھیل رہیں، عراقی رکن پارلیمنٹ

بغداد: عراقی پارلیمنٹ میں دفاعی کمیٹی کے رکن جاسم جبارہ نے کہا ہے کہ داعش کی سرکوبی نہیں کی جاسکی اور نہ ہی ہمیں اس جنگ میں کوئی خاص کامیابی مل سکی ہے، داعش کی باقیات عراق میں پھیل رہی ہیں، ان کے خلاف بروقت فوجی کارروائی ناگزیر ہوگئی۔ غیرملکی خبررساں ادارے کے مطابق گزشتہ روز کمیٹی کے اجلاس کے بعد میڈیا سے بات چیت کرتے ہوئے عراقی پارلیمنٹ میں دفاعی کمیٹی کے رکن جاسم جبارہ نے داعش کے خلاف اب تک کی کی گئی کارروائیاں پر اظہا ر مایوسی کیا اورکہاکہ ابھی تک ہم نے صرف دعوے ہی کیے ہیں مگر داعش کی سرکوبی نہیں کی جاسکی اورنہ ہی ہمیں اس جنگ میں کوئی خاص کامیابی مل سکی ہے۔

انہوں نے کہاکہ داعش کی باقیات عراق میں پھیل رہی ہیں،اگریہی صورتحال جاری رہی تو جلد عوام کو ایک مرتبہ پھر یہ یرغمال بنالیں گے ،اس لیے ان کے خلاف بروقت فوجی کارروائی ناگزیر ہوگئی،انہوں نے کہاکہ داعش کیخلاف صلاح الدین گونری کے شمالی پہاڑی علاقے مکحول، کرکوک کے جنوب مغربی علاقے جبال حمرین، نینویٰ اور صلاحدین کے درمیان حویجہ کنعوص اور دیگر علاقوں میں بھی داعش آپریشن کرکے ان کا قلع قمع کیا جائے۔