روس نے امریکا کو واضح دھمکی دیدی

روسی وزارت دفاع کا کہنا ہے کہ امریکی اتحاد کے جہاز شامی حکومت کے زیرِ کنٹرول علاقوں کی طرف آئے تو روسی میزائل تیار ہونگے، روس کے ایس فور ہنڈرڈ اورایس تھری ہنڈرڈ ایئرڈیفنس سسٹم شام میں موجود ہے، جو روسی اور شامی افواج کی حفاظت کیلئے ہمہ وقت تیار ہے۔

عالمی ذرائع ابلاغ میں ایسی خبریں گردش کررہی ہیں کہ واشنگٹن شام میں مذاکرات کی ناکامی کے بعد شامی فوج کو نشانہ بنانے کا سوچ رہا ہے، روسی وزارت دفاع نے خبردار کیا کہ واشنگٹن ایسے کسی بھی قدم کے ممکنہ نتائج کا اچھی طرح جائزہ لے لے۔