پاکستان سے بھارت منتقل ہونے والے ہندوخاندان کی پراسرار موت
نئی دہلی : پاکستان سے بھارت ہجرت کرنے والے ہندو خاندان کے 11 افراد پراسرار طور پر موت کی نیند سوگئے۔
تفصیلات کے مطابق بھارت ہجرت کرنے والے ہندو خاندان کے 11 افراد کے موت کی وادی میں جانے پر خدشہ ظاہر کیا جارہا ہے کہ پاکستان سے بھارت جاکر بسنے والوں کو بی جے پی نے قتل کیا۔
تھرپار سے تعلق رکھنے والا ہندو خاندان نے کچھ عرصہ قبل بھارتی ریاست راجھستان کے شہر جودھ پور کے علاقے ڈیچو کے لوڈتہ گاؤں میں سکونت اختیار کی تھی۔
مقامی افراد کے مطابق خاندان کے افراد پر اسرار طور پر صبح مردہ پائے گئے، پولیس نے پراسرار موت کے معاملے میں خاندانی تنازع میں قتل کے شبہ کا بھی اظہار کیا ہے۔
پولیس کے مطابق پورے خاندان میں صرف ایک فرد محفوظ رہا لیکن بچ جانے والے شخص نے موت کے محرکات اور وجوہات سے لاعملی کا اظہار کیا ہے۔
پولیس حکام کا کہنا ہے کہ بھیل برادری کے لوگ فارمنگ کےلیے فارم ہاؤس میں رہائش پذیر تھے۔
موت سے بچنے والے واحد فرد کا کہنا ہے کہ جو کچھ بی ہوا رات رہائشی ہٹ میں ہوگا۔
ایس پی راہول کا کہنا ہے کہ خدشہ ہے خاندان نے رات میں کوئی کیمیکل پی کر اجتماعی خودکشی کی ہے کیونکہ ہٹ کے باہر اور لاشوں کے قریب کسی کیمیکل کی بو پھیلی ہوئی تھی۔
