امریکا کے ساتھ مذاکرات کے دروازے کھلے ہیں

میکسیکن صدر کا کہنا ہے کہ امریکا کے ساتھ مکمل اور وسیع مذاکرات کے لیے تیار ہیں۔ ان کا کہنا تھا کہ نئی امریکی انتظامیہ کے ساتھ مذاکرات میں سیکیورٹی، ہجرت اور تجارت سمیت دیگر معاملات پر گفت و شنید کریں گے۔

انہوں نے واضح کیا کہ ملکی وقار کے خلاف کسی بات کو کبھی تسلیم نہیں کریں گے۔ اس سے قبل نو منتخب امریکی صدر ڈونلڈ ٹرمپ نے پریس کانفرنس میں ایک مرتبہ پھر میکسیکو کے ساتھ سرحدی دیوار بنانے کی بات کی تھی۔ ڈونلڈ ٹرمپ بضد ہیں کہ دیوار کی لاگت میکسیکو ادا کرے۔

میکسیکن صدر نے واضح کیا کہ وہ ہرگز ایسا نہیں کریں گے۔