سعودی عرب: سعودی وزارت حج وعمرہ کی جانب سےعمرہ زائرین کیلئے نئی شرائط کا اعلان کردیا گیا۔
عرب میڈیا کے مطابق وزارت حج وعمرہ کی جانب سے جاری اعلامیے کے مطابق کورونا کے پیش نظر شرائط وضوابط کا اطلاق یکم رمضان سے ہوگا۔
وزارت حج وعمرہ نے کہا ہے کہ حرم شریف اور مسجد نبویﷺ میں کورونا ویکسین کی دونوں خوراکیں لگوانے والے ہی جاسکیں گے۔
وزارت حج وعمرہ کے مطابق ویکسین کی دونوں خوراکیں لگوانے والے حرمین میں عمرہ، زیارت اور نمازیں بھی ادا کرسکیں گے۔
سعودی وزارت حج کے مطابق عمرہ، زیارت اور نمازوں کی ادائیگی کے اجازت نامے مقررہ ایپس کے ذریعے ہی جاری کیے جائیں گے،نمازی مقررہ ایپس کی مدد سے مرضی کی تاریخ اور وقت کا تعین کرسکیں گے۔
