تمام ممالک کرونا وائرس کی لپیٹ میں،وہیں ایسا ملک بھی جو اس مرض سے محفوظ ترین رہا

عالمی وبا کرونا وائرس نے دنیا کے تمام ممالک کو لپیٹ میں لیا ہوا ہے وہیں ایشیا میں ایک ایسا ملک بھی ہے جو اس وبائی مرض سے محفوظ ترین رہا ہے۔

بلومبرگ کی ایک رپورٹ کے مطابق سنگاپور نیوزی لینڈ کو پیچھے چھوڑتے ہوئے کووڈ ریزیليئنس رینکنگ میں نمبر ایک کی پوزیشن پر آگیا ہے۔

بلومبرگ نے یہ فہرست اور ممالک کی درجہ بندی کئی چیزوں پر نظر رکھ کر کی ہے جن میں کووڈ کیسز کی تعداد سے لے کر نقل و حرکت کی آزادی تک شامل ہیں۔

دوسری جانب کرونا ویکسی نیشن کا مؤثر نظام سنگاپور کو نیوزی لینڈ پر برتری لینے میں مددگار ثابت ہوا ہے، سنگاپور میں زندگی تقریباً معمول پر آچکی ہے۔

گزشتہ چند ماہ کے دوران سنگاپور میں کرونا وائرس کے معمولی کیسز سامنے آئے تھے تاہم ان پر بروقت قابو پا لیا گیا تھا۔ یہاں روزانہ تقریباً نئے متاثرین کی تعداد صفر ہے۔

سنگاپور میں رواں ہفتے کئی نئے کیسز سامنے آئے جس کے بعد حکام نے فوری طور پر اس سے نمٹنے کے لیے پابندیاں عائد کردیں۔