غزہ: اسرائیلی جارحیت کے نتیجے میں کم ازکم 8 لاکھ فلسطینی پینے کے صاف پانی سے محروم ہوگئے ہیں۔
اقوام متحدہ کے مطابق غزہ پر اسرائیلی فوج کی بمباری کے نتیجے میں فراہمی آب کا پچاس فیصد نظام ناکارہ ہوگیا ہے، کئی علاقوں میں پانی کی فراہمی نہ ہونے کی وجہ سے معمولات زندگی شدید متاثر ہورہے ہیں۔
سیوریج کا نظام نہ ہونے کی وجہ سے کئی گلیوں اور سڑکوں پر گندہ پانی جمع ہوگیا ہے۔
اقوام متحدہ کے دفتر برائے انسانی امور کے مطابق اسرائیلی فوج کے فضائی حملوں میں 17 ہزار مکانات اور تجارتی یونٹ مکمل طور پر تباہ ہوگئے ہیں۔
