ٹاٹا نگر سے بھونیشور جانے والی ‘کرانتی ایکسپریس’ اچانک الٹی سمت میں چلنے لگی

نئی دہلی: ٹاٹا نگر سے بھونیشور جانے والی ‘کرانتی ایکسپریس’ اچانک الٹی سمت میں چلنے لگی، جس پر مسافروں میں کھبلی مچ گئی اور ہر کوئی ایک دوسرے سے سر گوشی کرنے لگا

ٹرین مسافروں میں تشویش زیادہ بڑھی تو ریلوے حکام نے بتایا کہ دوران سفر خاتون کی طبیعت خراب ہوئی ہے، جس کے باعث ٹرین کو پچھلے اسٹیشن پر لے جایا جارہا ہے جہاں ڈاکٹرز کی ٹیم خاتون کا انتظار کررہی ہے۔

ٹرین کو تقریباً ڈھائی کلو میٹر پیچھے لے کر ٹاٹا نگر اسٹیشن پر روکا گیا تو اس وقت تک خاتون نے بچے کو جنم دے دیا تھا، میڈیکل ٹیم نے فوری طور پر خاتون اور نوزائیدہ بچے کو خاص محل میں واقع صدر اسپتال منتقل کیا ، چلتی ٹرین میں بچے کو جنم دینے والی خاتون کا نام رانو داس معلوم ہوا ہے۔

یہ بھی پڑ ھیں : کوئٹہ سے بوستان اور کولپور کے لیے شٹل ٹورسٹ سروس ٹرین چلانے کافیصلہ

واقعے سے متعلق ریلوے افسر نے میڈیا کو بتایا کہ حاملہ خاتون کو اڈیشہ کے جلیشور اسٹیشن پر اترنا تھا، خاتون کو شدید درد کے باعث ٹرین کو واپس لیجانے کا فیصلہ کیا کیونکہ ٹرین کو اگلی منزل تک پہنچنے میں کم از کم دو گھنٹے درکار تھے، اس دوران دونوں کی زندگی کو خطرہ لاحق ہو سکتا تھا۔